ტერმინი «ეგზემა» აერთიანებს იმ დაავადებებს, რომლებიც კანის გაღიზიანებას ან ანთებას იწვევს. ეგზემის ყველაზე გავრცელებული ფორმაა ატოპიური დერმატიტი. სიტყვა «ატოპიური» გულისხმობს ისეთ ალერგიულ დაავადებს, რომელთა განვითარებაში მნიშვნელოვან როლს ასრულებს გენეტიკური მიდრეკილება (მაგალითად, ალერგიული ასთმა, ალერგიული რინიტი). «დერმატიტი» კი კანის ანთებას ნიშნავს.
რა სიმპტომები აქვს ეგზემას?
მიუხედავად იმისა, თუ კანის რა ნაწილია დაზიანებული, ეგზემა თითქმის ყოველთვის იწვევს ქავილს. ზოგჯერ შესაძლებელია ქავილი წინ უსწრებდეს გამონაყარის გაჩენას, რომელიც უმეტესად სახეზე, მუხლის შიგნითა ზედაპირზე, მაჯაზე, ხელებზე ან ფეხებზე ჩნდება. თუმცა შეიძლება გამონაყარი სხვა ადგილებზეც განვითარდეს.
დაზიანებული არეები უმეტესად ძალიან გამომშრალი, გასქელებული ან აქერცლილია. შეიძლება ეს არეები თავიდან მოწითალო იყოს და შემდეგ მოყავისფრო გახდეს.
რა იწვევს ეგზემას?
ეგზემის ზუსტი გამომწვევი უცნობია, მაგრამ ითვლება, რომ ის ორგანიზმში გამღიზიანებლის მიმართ ჭარბი იმუნური რეაქციით არის გამოწვეული. სწორედ ეს რეაქცია იწვევს ეგზემის სიმტომებს. ეს დაავადება უმეტესად გვხვდება ალერგიების ან ასთმის ისტორიის მქონე ოჯახებში.
გარკვეულმა ნივთიერებებმა და პირობებმა შესაძლებელია გამოიწვიოს გამონაყარის გაღიზიანება, რაც ძირითადად ქავილით ვლინდება. ამის მიზეზი შეიძლება იყოს უხეშ საგნებთან კონტაქტი, სიცივე ან სითბო, გარკვეული საოჯახო პროდუქტები – საპონი და სარეცხი ფხვნილი, ან კანზე ცხოველის ქერტლის მოხვედრა. ასევე, ასეთი რეაქციის განვითარება შეიძლება განაპირობოს ზედა სასუნთქი გზების ინფექციებმა ან გაციებამ. შესაძლებელია მდგომარეობის გაუარესება გამოიწვიოს სტრესმა.
მიუხედავად იმისა, რომ მისგან სრული განკურნება ვერ ხერხდება, პაციენტთა უმეტესობას შეუძლია ამ დაავადების ეფექტურად მართვა მკურნალობისა და გამღიზიანებლებისგან თავის არიდების მეშვეობით. ეგზემა გადამდები არ არის და შეუძლებელია ამ დაავადების სხვა ადამიანისთვის გადაცემა.
ბიორეგულაციური მედიცინის თვალსაზრისით, ეგზემის მკურნალობის დროს არანაკლები ყურადღება უნდა გამახვილდეს კანის უჯრედებს შორის არსებულ სივრცეზე (ექსტრაცელულარული მატრიქსი), როგორც ანთებით მიმდინარე დაავადებების განმაპირობებელ ერთ-ერთ მნიშვნელოვან რგოლზე.
როგორ ხდება ეგზემის დიაგნოზის დასმა?
იმის გამო, რომ არ არსებობს ეგზემის დასადგენი ლაბორატორიული გამოკვლევები, ექიმი უმეტესად ეგზემის დიაგნოზს სვამს კანის დათვალიერების და პაციენტისთვის შეკითხვების დასმის მეშვეობით.
იქედან გამომდინარე, რომ ეგზემის მქონე ადამიანების უმეტესობა ალერგიულია, შესაძლებელია ექიმმა გთხოვოთ ალერგიულობის ტესტის ჩატარება შესაძლო გამღიზიანებლების დასადგენად.
როგორ ხდება ეგზემის მკურნალობა?
ეგზემის მკურნალობის მთავარი მიზანია ქავილის მოხსნა და მისი პრევენცია, რადგან ქავილმა შეიძლება ინფექციის შეჭრა გამოიწვიოს. იმის გამო, რომ ეს დაავადება კანის გამოშრობას იწვევს, რეკომენდირებულია გარკვეული დამატენიანებელი ლოსიონების და მალამოების გამოყენება. ასევე, როგორც ზემოთ არის აღნიშნული, ანთებით გამოწვეული სიმპტომების საწინააღმდეგოდ შესაძლებელია ჩატარდეს უჯრედშორისი სივრცის (მატრიქსის) დეტოქსიკაცია.
ეგზემის დროს დანიშნული მალამოები ძირითადად კორტიკოსტეროიდებს შეიცავს, რომლებიც ანთების შესამცირებლად ინიშნება. ბაქტერიებით დაინფიცირების შემთხვევაში შესაძლებელია ექიმმა დანიშნოს ანტიბიოტიკები. საჭიროების შემთხვევაში ასევე გამოიყენება მკურნალობის სხვა საშუალებებიც (ანტიჰისტამინური და იმუნოსუპრესორული მედიკამენტები, ფოტოთერაპია).
ზემოთ დასახელებულ სამკურნალო საშუალებებთან ერთად, ეგზემით გამოწვეული სიმპტომების სამკურნალოდ შეიძლება გამოყენებული იქნეს ბიორეგულაციური მედიცინის მედიკამენტები, როგორიცაა მაგალითად გუნა-მატრიქსი.
გუნა-მატრიქსი ეგზემის დროს
ექსტრაცელულარული მატრიქსი, იგივე უჯრედშორისი სივრცე, ქსოვილების ერთ-ერთი მნიშვნელოვანი შემადგენელი კომპონენტია, რომელიც ბიორეგულაციური მედიცინის მეთოდებით ანთებითი დაავადებების სიმპტომების მკურნალობის დროს ერთ-ერთ ყველაზე მთავარ სამიზნეს წარმოადგენს. მიიჩნევა, რომ მატრიქსის დეტოქსიკაცია და დრენაჟი ხელს უწყობს ანთებითი დაავადების ზოგადი სურათის გაუმჯობესებას და ხელს უწყობს ჩატარებული მკურნალობის ეფექტურობას.
გუნა-მატრიქსი ანთებითი პროცესებით გამოწვეული სიმპტომების საწინააღმდეგო ჰომეოპათიური სამკურნალო საშუალებაა. იქედან გამომდინარე, რომ ანთება ეგზემის ერთ-ერთ ყველაზე მნიშვნელოვან პათოგენეზურ რგოლს წარმოადგენს, გუნა-მატრიქსის გამოყენება ეგზემის დროსაც არის შესაძლებელი.
ეს მედიკამენტი გამოიყენება კანის სხვა ანთებითი დაავადებების სიმპტომური მკურნალობის დროსაც, მაგალითად როგორიცაა სებორეა.
ექსტრაცელულარულ მატრიქსთან დაკავშირებით დამატებითი ინფორმაციისათვის შეგიძლიათ გაეცნოთ მოცემულ სტატიებს:
