კვების რეჟიმს შეუძლია გრიპისა და გაციებისგან დაგვიცვას. თუ ეს მართლა ასეა, რომელი საკვები პროდუქტები უნდა ჭარბობდეს ჩვენი კვების რაციონში გრიპის სეზონის განმავლობაში?
ზოგიერთი საკვები პროდუქტი ჩვენს ორგანიზმს ეხმარება თავის დაცვასა და იმუნური სისტემის გაძლიერებაში, რაც შესაბამისად დაგვიცავს გრიპისა და გაციებისაგან.
სასურველია ხილი და ბოსტნეული მიირთვათ ყოველი ჭამისჯერზე. ეს პროდუქტები წარმოადგენს ანტიოქსიდანტების მნიშვნელოვან წყაროს, რომლებიც ორგანიზმს ეხმარება თავისუფალი რადიკალების გაუვნებელყოფაში და შესაბამისად ვირუსისგან თავის დაცვაში. ერთი და იმავე ფერის ხილსა და ბოსტნეულში ვიტამინების შემცველობა მეტ-ნაკლებად მსგავსია, ამიტომ შეეცადეთ მიიღოთ სხვადასხვა ფერის ხილი და ბოსტნეული !
გრიპის და გაციების პრევენციისთვის, კერძები მოამზადეთ ხახვით და ნივრით. მიიჩნევა, რომ რეგულარულად მიღების შემთხვევაში, ეს საკვები პროდუქტები ამცირებენ ინფექციების რისკს. გარდა ამისა, მათ შეუძლიათ ზოგიერთი სიმსივნის პრევენციაც!
თქვენს სუფრაზე აუცილებლად იქონიეთ შეუცვლელი ცხიმოვანი მჟავებით, მაგალითად, ომეგა-3-ით მდიდარი პროდუქტები. ისინი აუმჯობესებენი მუნური სისტემის ფუნქციონირებას. ომეგა-3-ის მნიშვნელოვანი წყაროებია:
- თევზი, განსაკუთრებით თევზის ქონი;
- ზღვის პროდუქტები – მათი კიდევ ერთი უპირატესობაა თუთიის შემცველობა – ანტიოქსიდანტი, რომელიც ასტიმულირებს იმუნურ სისტემას;
- ზეითუნის ან რაფსის ზეთი (გამოიყენეთ მზესუმზირის ზეთის მაგივრად, ზომიერი რაოდენობით!).
ამ სიას ასევე შეგიძლიათ დაამატოთ ნუში, რომელიც შეუცვლელი ცხიმოვანი მჟავების გარდა შეიცავს E ვიტამინს, რომელიც მნიშვნელოვანი ანტიოქსიდანტია.
თუთიის შემცველი სხვა პროდუქტებია ხბოს ღვიძლი, ქათმის ხორცი, ხორბლის მარცვლები, პარკოსნები და სხვა.
გრიპის და გაციების საწინააღმდეგოდ, ასევე მიიღეთ პროტეინები. კვერცხი, თევზი და ხორცი პროტეინების (ცილების) მნიშვნელოვანი წყაროა. ცილები განსაკუთრებით მნიშვნელოვანია იმუნური სისტემისთვის, ვინაიდან მათგან მზადდება ანტისხეულები. ხორცის ყიდვისას უპირატესობა მიანიჭეთ მჭლე ხორცს და არაძალიან ცხიმიანს – რაც უფრო მეტი თეთრი ნაწილია ხორცის ნაჭერზე, მითუფრო ცხიმიანია ის, და შესაბამისად ნაკლებია ცილების შემცველობა.
შეგიძლიათ მიიღოთ ვარდკაჭაჭას (ციკორის) ყავა ან გამოიყენოთ ყავაში დანამატის სახით – იგი ითვლება კარგ სისხლგამწმენდ და ნივთიერებათა ცვლის გამაუმჯობესებელ საშუალებად.
ვარდკაჭაჭაასევე გამოიყენება ზამთარში გავრცელებული სხვა დაავადებების – გასტრიტებისა და ენტერიტების დროს, რადგან ის აუმჯობესებს კუჭისა და ნაწლავების მოქმედებას.
ყურძნის წიპწების ნაყენს გააჩნია კარგად გამოხატული ანტიოქსიდანტური, ანთების საწინააღმდეგო და იმუნომასტიმულირებელი მოქმედება. ითვლება, რომ მისგან მომზადებული ნაყენი უფრო სასარგებლო და ეფექტურია, ვიდრე წიპწების უბრალოდ დაღეჭვა და ჭამა.
საკვებთან ერთად მნიშვნელოვანია სითხეების (წყალი, წვენები, კომპოტები) მიღებაც. განსაკუთრებით სასარგებლოა მინერალური წყლები ან სპეციალური გამატუტიანებელი საშუალებები და საკვები დანამატები, რომლებიც ორგანიზმს ეხმარებიან მჟავა-ტუტოვანი წონასწორობის (pH-ის) რეგულაციაში და ამით ხელს უწყობენ ვირუსის წინააღმდეგ ბრძოლისთვის სათანადო შინაგანი გარემოს შექმნას.
გრიპის და გაციების ვირუსების საწინააღმდეგოდ სწორ კვებასთან ერთად მნიშვნელოვანია ფიზიკური აქტივობა -ფორმის შენარჩუნებასთან ერთად ის ვირუსების შემოტევაზე წინააღმდეგობის უნარის გაზრდას უწყობს ხელს. ამასთანავე, რათქმაუნდა აუცილებელია ხელების ჰიგიენა.
ამასთანავე, ნატუროპათიულ მედიცინაში არსებობს მრავალი პრეპარატი, რომელიც არამარტო გრიპის პროფილაქტიკის, არამედ მკურნალობის ეფექტური საშუალებაცაა, მათ შორის ერთ-ერთი ყველაზე ეფექტურია პრეპარატი GUNA-Flu.
