ცხელება, თავის ტკივილი, სისუსტე – როგორ უნდა განასხვაოთ, ეს გრიპია თუ გაციება? შემთხვევათა ძალიან დიდ უმრავლესობაში, გრიპს თან ახლავს ისეთი სიმპტომები, რომლებიც არ უნდა აგერიოთ გაციებაში ან ზამთართან დაკავშირებულ სხვა ინფექციაში.
გაციების ნიშნებია სურდო, სისუსტის და დაღლილობის შეგრძნება, იშვიათად კი – ხველა.
მაგრამ ეს სიმპტომები მნიშვნელოვნად არ აისახება ჩვენი ცხოვრების წესზე (მადა მეტ-ნაკლებად შენარჩუნებულია, შრომისუნარი ნაკლებად არის დაქვეითებული და ზოგჯერ მუშაობის გაგრძელებაც არის შესაძლებელი).
ხანდახან თავს იჩენს კუნთების ტკივილი, მაგრამ მცირეინტენსივობით. გარდა ამისა, გაციებისას შესაძლოა მსუბუქი ცხელება და თავის ტკივილი, მაგრამ ეს სიმპტომები ნაკლებად არის გამოხატული.
ამისგან განსხვავებით, გრიპი გაცილებით აგრესიულია. გრიპის სიმპტომები ძალიან ინტენსიურია, ვლინდება უეცრად და უფრომ ძიმედ (39°-40° ცხელება კანკალით, გამოხატული დაღლილობა, კუნთებისტკივილი), ზოგადად ცუდადყოფნის შეგრძნებით. ასევე, ახასიათებს ცხვირიდან გამონადენი, მშრალი და მტკივნეული ხველა. გრიპის ეს სიმპტომები ცვლის ზოგად მდგომარეობას: მადის დაქვეითება, ყოველდღიური საქმიანობის გაგრძელების უნარის დაკარგვა რამდენიმე საათით ან დღით საწოლს მიჯაჭვულობა.
ასე რომ, მხოლოდ სიმპტომები გრიპს იმდენადვე განასხვავებს გაციებისგან, რამდენადაც მათი ინტენსივობა და უეცარი განვითარება.
რა მნიშვნელობა აქვს გრიპსა და გაციებას შორის განსხვავების ცოდნას?
ეს აუცილებელია.
ფაქტობრივად, გაციების შემთხვევაში, არ არსებობს სპეციფიკური მკურნალობა: ეს არის მსუბუქი ვირუსული დაავადება, რომელიც რამდენიმე დღეში თავისით გაივლის. ერთადერთი გაფრთხილება, რაც მხედველობაში შეიძლება მივიღოთ, არის ის, რომ უნდა ვერიდოთ ვირუსის პატარა ბავშვებისთვის გადადებას, რომლებშიც ის შეიძლება ბრონქიოლიტით გართულდეს.
ამის საპირისპიროდ, თუ საქმე ეხება გრიპს, გართულება ნამდვილად შეიძლება იყოს ფატალური, განსაკუთრებით სუსტი ჯანმრთელობის პირებში. ასე რომ, პირველ რიგში საჭიროა სახლში დარჩენა და საჭირო მედიკამენტების მიღება. უნდა ვეცადოთ, რომ ვირუსი არ გადავდოთ ჩვენს გარშემო მყოფებს – აუცილებელია ხელების ძალიან ხშირად დაბანა, გამოყენებული ხელსახოცი მაშინვე გადაგდება, ხველების და ცემინების ეპიზოდებში პირზე და ცხვირზე ხელსახოცის ან მოხრილი იდაყვის აფარება. გრიპის საწინააღმდეგოდ არსებობს სხვადასხვა ნატუროპათიული საშუალება, რომელთ აც კომბინირებული სახით შეიცავს პრეპარატი GUNA-Flu (გუნა-ფლუ). გრიპის საწინააღმდეგო მკურნალობა რაც უფრო ადრე დაიწყება, მით უფრო ეფექტური იქნება. ასერომ, საჭიროა გრიპის და გაციების ერთმანეთისგან განსხვავების ცოდნა და ექიმისთვის დროულად მიმართვა.
გარდა ამისა, თუ რამდენიმე დღის შემდეგ ისევ გაქვთ ცხელება, ხველება თანდათან მატულობს და სუნთქვაც გიჭირთ, აუცილებლად უნდა მიმართოთ ექიმს, რათა დარწმუნდეთ, რომ საქმე არ ეხება მეორეულ ბაქტერიულ პნევმონიას, რომელიც გრიპის ხშირი გართულებაა.
ამასთანავე, თუ თქვენ მიეკუთვნებით იმ პირების რიცხვს, რომლებშიც მძიმე ფორმის გრიპისგან ვითარების რისკი მაღალია, საჭიროა შემოდგომაზევე დაიწყოთ გრიპის პრევენციაზე ზრუნვა.
