ინტერსტიციული ცისტიტი (ასევე ცნობილი როგორც მტკივნეული შარდის ბუშტის სინდრომი) საკმაოდ რთული დაავადებაა. მიუხედავად იმისა, რომ მკურნალობა აუმჯობესებს მდგომარეობას, ამ დაავადებისგან სრული განკურნება ვერ ხერხდება.

სიტყვა „ცისტიტი“ შარდის ბუშტის ანთებას, ხოლო „ინტერსტიციული“ კი – ორგანოს ელემენტების შემაერთებელ ქსოვილს ნიშნავს.

რა სახელიც არ უნდა დავარქვათ მას, ინტერსტიციული ცისტიტი მრავალი სირთულის მომტანი მდგომარეობაა. ამ დაავადებას შეუძლია გავლენა იქონიოს ადამიანის სოციალურ ცხოვრებაზე, ვარჯიშზე, ძილზე და სამუშაოს შესრულების უნარზეც კი.

იმის გამო, რომ ინტერსტიციულ ცისტიტს სიმპტომების ფართო სპექტრი ახასიათებს, ექსპერტების დიდი ნაწილი ცისტიტის ამ ფორმას სხვადასხვა დაავადების კომბინაციად მიიჩნევს. თუ თქვენ მტკივნეული შარდვა გაწუხებთ, რომელიც ექვს კვირაზე მეტ ხანს გრძელდება და არ არის განპირობებული სხვა მიზეზებით, როგორიცაა მაგალითად ინფექცია ან თირკმლის კენჭი, შესაძლებელია თქვენ ინტერსტიციული ცისტიტი გქონდეთ.

მიუხედავად ამისა, თქვენ მაინც შეგიძლიათ აღიჭურვოთ სათანადო ცოდნითა და სამკურნალო საშუალებებით, რომ აკონტროლოთ ამ დაავადებისთვის დამახასიათებელი სიმპტომები. როგორც ბევრი სხვა ანთებითი დაავადებისას, ინტერსტიციული ცისტიტის დროსაც ბიორეგულაციური მედიცინის საშუალებების გამოყენება არის შესაძლებელი.

ინტერსტიციული ცისტიტის სიმპტომები

ინტერსტიციული ცისტიტი სხვადასხვა ადამიანში სხვადასხვანაირად შეიძლება გამოვლინდეს. შესაძლებელია სიმპტომები თვეები და წლები გრძელდებოდეს, ან ყოველდღიური ან ყოველკვირეული ცვალებადობა ახასიათებდეს. ზოგჯერ შეიძლება ეს სიმპტომები ყოველგვარი მკურნალობის გარეშეც კი გაქრეს.

ინტერსტიციული ცისტიტის ყველაზე გავრცელებული სიმპტომებია:

• შარდის ბუშტის ტკივილი, რომელიც უარესდება ბუშტის ავსებასთან ერთად.
• ტკივილი მუცლის ქვედა არეში, წელის მიდამოში, მენჯის არეში ან შარდსადენი მილის გასწვრივ.
• ქალებში შესაძლებელია ტკივილი ვულვის ან საშოს არეში.
• მამაკაცებში შესაძლებელია ტკივილი სათესლის ან ასოს არეში.
• ხშირი შარდვა (მეტი, ვიდრე 7-8-ჯერ დღეში).
• მოშარდვის მუდმივი და ძლიერი მოთხოვნილება მთელი დღის განმავლობაში.
• ტკივილი სქესობრივი კავშირის დროს.

შარდის ბუშტის ტკივილი შეიძლება სხვადასხვა ინტენსივობის იყოს – როგორც ყრუ, ასევე – მჩხვლეტავი ხასიათის. ამის მსგავსად შესაძლებელია ცვალებადობდეს წვის შეგრძნება შარდვის დროს.

ჩვენთვის რაც ყველაზე მნიშვნელოვანია, ინტერსტიციული ცისტიტის მქონე ყველა პაციენტს აქვს შარდის ბუშტის ანთება. როგორც ბიორეგულაციურ მედიცინაში არის მიჩნეული, ანთებითი პროცესების ერთ-ერთი უმნიშვნელოვანესი რგოლია უჯრედებს შორის არსებული სივრცე (ექსტრაცელულარული მატრიქსი); მის როლზე ინტერსტიციული ცისტიტის სიმპტომების მკურნალობაში ქვემოთ ვისაუბრებთ.

ამ დაავადების სიმპტომები შეიძლება გაუარესდეს ზოგიერთი საკვების ან სასმელის, ფსიქოლოგიური ან ფიზიკური სტრესის და მენსტრუაციის დროს.

ვის შეიძლება ქონდეს ინტერსტიციული ცისტიტი?

ინტერსტიციული ცისტიტით დაავადებულთა 90% ქალბატონებია. სიმპტომები დაახლოებით 40 წლის ასაკში ჩნდება და წლების მატებასთან ერთად დაავადების რისკიც იზრდება.

რა იწვევს ინტერსტიციულ ცისტიტს?

ზუსტად ცნობილი არ არის, თუ რა იწვევს ამ დაავადებას. არსებობს რამდენიმე მოსაზრება:

• შარდის ბუშტის ქსოვილი ღიზიანდება შარდის მიერ (ქსოვილში არსებული პრობლემების გამო).
• ანთებით პროცესების დროს თავისუფლდება ქიმიური ნივთიერებები, რომლებიც იწვევს ზემოთ აღნიშნულ სიმპტომებს.
• შარდში ხვდება ტოქსიკური ნივთიერება, რომელიც აზიანებს შარდის ბუშტს.
• ნერვული სისტემის პრობლემები, როცა შარდის ბუშტის ტკივილს იწვევს ისეთი ფაქტორი, რომელიც ნორმაში ამას არ უნდა განაპირობებდეს.
• იმუნური სისტემა უტევს შარდის ბუშტს.

როგორც ხედავთ, ამ დაავადების განვითარებაში მრავალი ფაქტორი შეიძლება მონაწილეობდეს – ნერვული ფაქტორებით დაწყებული, იმუნური ფაქტორებით დამთავრებული. ინტერსტიციული ცისტიტის სიმპტომების მკურნალობის დროს სწორედ ამიტომ არის მნიშვნელოვანი ბიორეგულაციურ მედიცინაში აღიარებული მიდგომა – ფსიქო-ნეირო-ენდოკრინო-იმუნური სისტემის თერაპია, რაც ზემოთ ჩამოთვლილ ყველა რგოლზე ზემოქმედებას ითვალისწინებს.

როგორ ხდება ინტერსტიციული ცისტიტის მკურნალობა?

ინტერსტიციული ცისტიტის შემთხვევათა დაახლოებით ნახევარში სიმპტომები თავისით ქრება. მათ კი, ვისაც მკურნალობა ესაჭიროება, მედიცინას გააჩნია საშუალებები, რომ პაციენტს ნორმალური ცხოვრება დაუბრუნოს.

მკურნალობა ძირითადად სიმპტომური და კომბინირებულია. საუკეთესო ვარიანტის შესარჩევად შეიძლება მოისინჯოს სხვადასხვა საშუალებები, ზოგიერთმა მათგანმა შესაძლოა არ გაამართლოს, მაგრამ სწორი კომბინაციის შერჩევის პროცესში ეს ბუნებრივია. სიმპტომების შემსუბუქებას დაახლოებით რამდენიმე კვირა ან თვე ჭირდება.

მკურნალობისთვის ექიმმა შეიძლება მოგცეთ პრაქტიკული რჩევები, გირჩიოთ კვების რაციონის გარკვეულწილად შეცვლა და დაგინიშნოთ სხვადასხვა ჯგუფის მედიკამენტები (მათ შორის, ანტიანთებითი და ანტიჰისტამინური პრეპარატები). ამ ყველაფერთან ერთად, ანთებით გამოწვეული სიმტომების სამკურნალოდ შეიძლება გამოყენებული იყოს ბიორეგულაციური მედიცინის მედიკამენტი გუნა-მატრიქსი.

გუნა-მატრიქსი კომპლექსური პრეპარატია და მასში შემავალი კომპონენტების უნიკალურ და ეფექტურ კომბინაციას წარმოადგენს. როგორც ბიორეგულაციური მედიცინის ყველა საშუალება, ეს მედიკამენტიც თანამედროვე ჰომეოპათიის, იმუნოლოგიისა და პათოფიზიოლოგიის პრინციპებზე არის დაფუძნებული. დამატებითი ინფორმაცია ამ მედიკამენტის მოქმედებისა და ექსტრაცელულარული მატრიქსის მნიშვნელობის შესახებ შეგიძლიათ იხილოთ სტატიაში “უჯრედშორისი სივრცე და ანთებითი დაავადებები“.