კომპანია GUNA (გუნა) დაარსდა 1983 წელს ქალაქ მილანში (იტალია) დოქტორ ალექსანდრო პისოკაროს და დოქტორ ადრიანა კარლუჩოს მიერ.
დღეისათვის, ბიორეგულაციური მედიკამენტების მწარმოებლთა შორის ის ერთ-ერთი მსოფლიო ლიდერია, ხოლო იტალიურ ფარმაცევტულ ბაზარზე მას მოწინავე პოზიცია (ბაზრის 25 %) უკავია.
კომპანია აქტიურად თანამშრომლობს ევროპის წამყვან უნივერსიტეტებთან და მეცნიერებთან. სწორედ მათი ერთობლივი ძალისხმევით შეიქმნა ფიზიოლოგიური რეგულაციური მედიცინა და შესაბამისი მედიკამენტები. GUNA -ს პრეპარატები შექმნილია ჰომეოპათიის, ჰომოტოქსიკოლოგიის, იმუნოლოგიის, მიკრო და მოლეკულური ბიოლოგიის, ბიოქიმიის და კვანტური ფიზიკის სფეროში არსებული უახლესი მეცნიერული მიღწევების გათვალისწინებით
ამჟამად, კომპანია აწარმოებს 800-ზე მეტი დასახელების კომპლექსურ პრეპარატს – ამპულების, გრანულების, სპრეის, მალამოს, სუპოზიტორების და კაფსულების სახით. GUNA-თერაპიაში გამოიყენება: მცენარეული, მინერალური და ორგანული წარმოშობის კომპონენტებიდან დამზადებული სიმსივნის საწინააღმდეგო კომპლექსური იმუნური პრეპარატები, ანტივირუსული საშუალებები, სიმპტომური პრეპარატები, პოტენცირებული ჰორმონები და ციტოკინები. პრეპარატები დაჯგუფებულია დანიშნულების მიხედვით – ტკივილის მართვის (11 პრეპარატი), ენდოკრინოტოქსის (26 პრეპარატი), ალერგოპლექსის (40 პრეპარატი), დეტოქს-ენდოტოქსის (35 პრეპარატი), დენტოტოქსის (15 პრეპარატი), ფლაუერპლექსის (70 პრეპარატი) და ესთეთიკური მედიცინის (13 პრეპარატი) ჯგუფებად. ასეთი მიდგომა აადვილებს პაციენტის მოთხოვნების გათვალისწინებით კომპლექსური და უნიკალური სამკურნალო სქემის შედგენის შესაძლებლობას.
კომპანია აქტიურად ატარებს სამეცნიერო ლაბორატორიულ და კლინიკურ კვლევებს.
უდიდეს მნიშვნელობას ანიჭებს ექიმების და ფარმაცევტების მომზადების პროცესს. ყოველწლიურად ტარდება ასობით სასწავლო სემინარები და კონფერენციები. მაღალ დონეზეა შესრულებული მეცნიერული ნაშრომების პუბლიკაციები. GUNA-ს მხარდაჭერით 1983 წლიდან იტალიაში გამოიცემა ჟურნალი „La Medicina Biologica“, იბეჭდება ექიმებისათვის განკუთვნილი ცნობარები, სამეცნიერო-პრაქტიკული მონოგრაფიები და წამყვანი ევროპელი სპეციალისტების წიგნები.
კომპანიის 250 კაციან კოლექტივს გააჩნია სოლიდური გამოცდილება და მეცნიერული ცოდნა. ნედლეულის მკაცრი შერჩევით და გამოყენებით, ხარისხის უმკაცრესი კონტროლით და GMP-ის სტანდარტების მიხედვით სერტიფიცირებული წარმოების პროცესის მონიტორინგით აღჭურვილ კომპანიაში, სამუილ ჰანემანის პრინციპების და ნატურალური მედიცინის პროგრესული განვითარებისათვის შექმნილია იდეალური პირობები.
GUNA-თერაპიის პრეპარატები დარეგისტრირებულია მსოფლიოს მრავალ ქვეყანაში, მათ შორის აშშ-ის წამლისა და საკვები პროდუქტების სახელმწიფო კონტროლოს სააგენტოს (FDA) მიერ.