ხარისძირა და ინტეგრაციული ონკოთერაპია

ხარისძირა არის ახლად „აღმოჩენილი“ ტრადიციული სამკურნალო მცენარე. ინტეგრაციული ონკოთერაპიისათვის. პრეპარატის Helleborus-ის დასამზადებლად გამოიყენება ხარისძირას ორი სახეობა:

• ხარისძირა შავი (Helleborus niger)
• ხარისძირა მყრალი (Helleborus foetidus)

ცოტახნის წინ, კომპანია ჰელიქსრმა (Helixor) ამ სამკურნალო მცენარებიდან შეიმუშავა სიმსივნის თერაპიის სპეციალური პროდუქტები. ჰელიქსორის კოლექტივი მუდმივად იკვლევს ხარისძირას ბოტანიკურ მახასიათებლებს და ფარმაკოლოგიურ თვისებებს, ყურადღებით აკვირდება მის შემადგენლობას და მათ ზეგავლენას სიმსივნურ და იმუნურ უჯრედებზე.

შავ და მყრალ ხარისძირას გააჩნია საკუთარი, უნიკალური სამკურნალო თავისებურებები, ისინი ფითრის მსგავსად, სხვა მცენარრებისაგან გასხვავებით გამოირჩევიან მარადი სიმწვანით და ყვავილობით ზამთის პერიოდში.

Helleborus niger (ხარისძირა შავი)

Helleborus niger-ის ეფექტურობა ონკოლოგიაში, უპირველეს ყოვლისა განპირობებულია მისი პროანთებითი ციტოკინების მაინჰიბირებელი თვისებებით. ეს ძალზედ მნიშვნელოვანია ონკოლოგიური დაავადებების მკურნალობის დროს გვიან სტადიებზე, ვინაიდან ასეთ პათოლოგიების დროს ხშირად გვხვდება ანთების ნიშნები.

შავი ხარისძირას საშუალებით ინტეგრაციული თერაპია ეხმარება პაციენტებს გახდნენ ემოციურად სტაბილურები და კონცენტრირებულები. მათ დადებითი შედეგი გამოავლინეს აღზნებულ და შეშფოთებულ პაციენტებში და იმ პაციენტებში ვისაც აღენიშნებოდათ თავის ტვინში შეშუპება ან სიმსივნე და იტანჯებოდნენ თავის ტკივილებით და ცნობიერების დარღვევებით. ისეთ პაციენტებში ვისაც უტარდება სხივური თერაპია, აღნიშნული საშუალებები აუმჯობესებს ყურადღების კონცენტრაციას და უნარჩუნებს ნათელ გონებას.

გერმანიაში, Helleborus niger რეგისტრირებულია როგორ ანტროპოსოფიული მედიცინის ჰომეოპათიური სამკურნალო პრეპარატი. გერმანიის სამკურნალო მცენარეების და სამედიცინო მოწყობილობების ინსტიტუტმა (German Federal Institute for Drugs and Medical Devices (BfArM)  დაამტკიცა „C“ კომისიის დადებითი მონოგრაფია შავი ხარისძირას ეფექტურობის და უსაფრთხოების შესახებ.

თავისი ანთებისსაწინააღმდეგო თვისებების გამო შავი ხარისძირა გამოიყენება ასევე რევმატიულ დაავადებების (რევმატოიდული ართრიტი, ართროზი, კოლაგენოზი) დროს და დემენციის, დეპრესიის ან შფოთვის მქონე პაციენტებში.

ხარისძირა და მისი გამოყენება მედიცინაში

ორივე (შავი და მყრალი) ხარისძირა მიეკუთვნება ბაიასებრთა ოჯახს (Ranunculaceae). კიბოს თერაპიაში მათი გამოყენება დაიწყო დოქტორ რუდოლფ შტაინერის განცხადების შემდეგ, რომელმაც მათ „ანტი-ტენდეციებზე“ გაამახვილა ყურადღება. ეს მცენარეები არ მისდევენ ბუნების ჩვეულ რიტმს და კანონზომიერებას, ისინი ყვავილობენ და ნაყოფობენ ზამთრის პერიოდში. ამ ტენდენციაში რუდოლფ შტაინერმა პარალელი გაავლო ონკოლოგიურ დაავადებასთან, როდესაც უჯრედები განთავისუფლებული არიან ორგანიზმის ჩვეულებრივ კონტექსტიდან და უკონტროლოდ მრავლდება.

შავი ხარისძირა უძველეს დროიდან გამოიყენებოდა ფსიქოზების, დიარეის და ბუასილის სამკურნალოდ. მე-19 საუკუნის ბოლოს და მე-20 საუკუნის დასაწყისში მისი გამოყენება დაიწყეს შარდმდენ საშუალებად გულის უკმარისობის დროს, როგორც ფუტკარას (Digitalis) ალტერნატივა. გერმანულ ხალხურ მედიცინაში შავი ხარისძირას ნახარში გამოიყენებოდა ეპილეფსიის, ისტერიის, მელანქოლიის, ყაბზობის, ასციტის, პოდაგრის, რევმატიზმის, მენსტრუალური ციკლის დარღვევის, ღვიძლის დაავადებების და სიყვითლის დროს. ხარისძირას გამხმარი და დაფქული ფესვები კი, გარეგანად გამოიყენებოდა სხვადასხვა გამონაყარის, წყლულების და სახეზე ლაქების დროს.

ინტეგრაციულ ონკოთერაპიაში შავი ხარისძირას (Helleborus niger) გამოყენება დაიწყო რ.შტაინერის მოსაზრების გამოთქმის შემდეგ. კიბოს უჯრედებზე ჩატარებულმა კლინიკამდელმა კვლევებმა უჩვენა, რომ შავი ხარისძირას წყლის ექსტრაქტი ულტრადაბალ დოზებში ასტიმულირებს სიმსივნის უჯრედების ბუნებრივი კვდომის (აპოპტოზის) პროცესს, ისევე როგორც ფითრის პრეპარატი (Helixor).

ხარისძირას ეფექტურობის შესახებ ჩატარებული კლინიკური კვლევები ჯერ არ არის დასრულებული, თუმცა პრეპარატის Helleborus-ის შესახებ მიღებული გამოცდილება შეიძლება ჩამოყალიბდეს შემდეგნაირად:

• ანროპოსოფიულ ბავშვთა ონკოლოგიაში, Helleborus niger გახდა თავის ტვინის სიმსივნის სტანდარტული თერაპიის ნაწილი;
• შავ ხარისძირას შეუძლია გაზარდოს და დამატებით გააძლიეროს თავის ტვინის ან თავის ტვინში მეტასტაზირებულ სიმსივნეების ფითრით თერაპიის ეფექტი. პირველ რიგში ისეთ პაციენტებში, რომლებიც დასუსტებულია, გააჩნიათ სერიოზული ანთებები ან შეშუპებები. სისმსივნის უჯრედების მაინჰიბირებელი ეფექტის გარდა ხარისძირას გააჩნია იმუნომოდულატორის, ანთების საწინააღმდეგო და შარდმდენი თვისებები;
•    შავ ხარისძირას (Helleborus niger) შეუძლია აღმოფხვრას ისეთი სერიოზული ანთებები (ეგრედ წოდებული B-სიმპტომები), რომელიც როგორც წესი, გამოწვეულია სისხლის ან ლიმფური სისტემის (ლეიკოზი, ავთვისებიანი ლიმფომა, მრავლობითი მიელომა) კიბოს მიერ;
•  შავი ხარისძირა (Helleborus niger) ინიშნება ისეთ დროს როდესაც შეუძლებელია ფითრით თერაპია (მაგალითად, მომატებული მგრძნობელობის, მწვავე ანთების ან თანმხლები აუტოიმუნური დაავადების გამო) ან თუ პაციანტი იტანჯება სიმსივნესთან დაკავშირებულ ცხელებით;
• თუ ფილტვების კიბოთი დაავადებულ პაციენტს გააჩნია ქოშინი, სისხლიანი ამონახველი, ბრონქული სეკრეტის შეგუბება – შავი ხარისძირას (Helleborus niger) პრეპარატი შეიძლება სასარგებლო იყოს ინგალაციის სახით;

 დაბალ პოტენციებში (D6-მდე), იშვიათად შეიძლება გამოვლინდეს გვერდითი ეფექტები: ინექციის ადგილას შეიძლება განვითარდეს მსუბუქი შეწითლება, ქავილი ან წვა. ასევე ინექციის ადგილზე შეიძლება აღმოცენდეს დაძაბულობის და/ან სითბოს შეგრძნება.   

Helleborus foetidus (ხარისძირა მყრალი)

Helleborus foetidus-ით ინტეგრაციული ონკოთერაპია შედარებით ახალია, მაგრამ დღეისათვის უკვე დაგროვილია გარკვეული გამოცდილება. ლეიკემიურ უჯრედებზე ჩატარებულმა პირველმა კლინიკამდელმა კვლევებმა უჩვენა, რომ  ამ უჯრედებზე მყრალი ხარისძირას ციტოტოქსიკური ეფექტი შავი ხარისძირასთან შედარებით მეტად არის გამოხატული.

როგორ გამოვიყენოთ ხარისძირას პრეპარატები 

პრეპარატი Helleborus niger-ი შეჰყავთ კანქვეშ კვირაში 2-7 ჯერ. გამოყენების სიხშირე ინდივიდუალურია და დამოკიდებულია პაციენტის ორგანიზმის იმუნურ პასუხზე.

პრეპარატის გამოყენება შეიძლება ფითრის პრეპარატთან (Helixor) ერთად. ასეთ შემთხვევაში ისინი გამოიყენება მონაცვლეობით და არ გამოიყენება ერთსადაიმავე დროს და ადგილას.

გვერდითი ეფექტები: ინექციის ადგილას იშვიათად შეიძლება იყოს მსუბუქი შეწითლება ქავილი და/ან წვა. ასევე შეიძლება იყოს დაძაბულობის და/ან სითბოს შეგრძნება. ყველა ჩამოთვლილი ეფექტი უვნებელია და სწრაფად გაივლის.

წინააღმდეგ ჩვენება არ გააჩნია. სხვა პრეპარატებთან ურთიერთობა არ არის ცნობილი.

მკურნალობა გრძელდება მანამდე, სანამ პრეპარატს შეუძლია არსებული სიმპტომების შემსუბუქება.

პრეპარატი Helleborus foetidus-ი გამოიყენება ისევე როგორც Helleborus niger-ი.

Helleborus–ის შესახებ

კომპანია Helixor-ში Helleborus niger-ი (შავი ხარისძირა) და Helleborus foetidus-ი (მყრალი ხარისძირა) იწარმოება გერმანული ჰომეოპათიური ფარმაკოპეის შესაბამისად საინექციო ხსნარის სახით ამპულებში, შემდეგ პოტენციებში: D3, D4, D5, D6, D12, D20, D30

ორიგინალური შეფუთვა მოიცავს 8 ამპულას, ხოლო დიდი შეფუთვა 50 ამპულას. ერთი ამპულის მოცულობა უდრის 1 მლ.

შავი ხარისძირა (Helleborus niger)

შავი ხარისზირა იკრიფება ალპების მიდამოებში, წელიწადში ორჯერ. სრულად გაშლილი ყვავილები ყლორტების ჩათვლით იკრიფება ზამთარში (იანვარი-მარტი); ფოთლები, ფესვები და ფესვურები იკრიფება ივნისში. მოკრეფისთანავე მცენარეების ყოველი ნაწილი ირეცხება და მთლიანად იყინება. ყვავილები, ფოთლები, ფესვები და ფესვურები ცალ-ცალკე. ასევე ცალ-ცალკე მზადდება ზაფხულის და ზამთრის მოსავლის პროდუქცია. მცენარეების ნაწილები ქუცმაცდება და მზადდება წყლის ექსტრაქტები. ფილტრაციის შემდეგ ხდება „დედო“ ნაყენების შერევა სპეციალური მეთოდით და თანმიმდევრობით.

რიტმული პროცესების გათვალისწინებით, საწყისი ნივთიერება პოტენცირდება სხვადასხვა განზავევებში, იფილტრება, სტერილიზდება და ჩამოისხმევა ამპულებში.

 მყრალი ხარისძირა (Helleborus foetidus)

მყრალი ხარისძირა იკრიფება სამხრეთ გერმანიის ტყეებში. ფოთლები და ფესვები იკრიფება ზაფხულში, ხოლო ყვავილიები ზამთარში. წარმოების ყველა ეტაპი მსგავსია შავი ხარისძირასი.