Alkala T – ალკალა ტე – ტაბლეტები

აღწერა

Alkala “T” _ ალკალა “ტე” ტაბლეტები

შემადგენლობა

1 ტაბლეტი შეიცავს: 1 გ Natriumhydrogencarbonat-ს დამხმარე ნივთიერებები: ლაქტოზა, ცელულოზა, კარტოფილის სახამებელი, მაგნიუმის სტეარატი, საქარინ-ნატრიუმი, გუმიარაბიკი, მალტოდექსტრინი, პიტნის ზეთი

ჩვენება

ტრადიციულად გამოიყენება რბილად მოქმედი პრეპარატის სახით გულძმარვის, მომატებული მჟავიანობით მიმდინარე კუჭის დაავადებების დროს

თვისებები

Alkala “T” ტუტოვანი პრეპარატია, რომელსაც ორგანიზმში მჟავეტუტოვანი წონასწორობის აღდგენა შეუძლია. იდეალურ შემთხვევაში, ადამიანის ორგანიზმში მჟავე-ტუტოვანი თანაფარდობა წონასწორობაშია. დღეისათვის, სულ უფრო ხშირად აღინიშნება მჟავე არისკენ გადახრა, ამის მიზეზი კი ჩვენი ცხოვრების და გარემოს პირობებია. კუჭისა და ნაწლავის არეში მომატებული მჟავიანობის პირველი ტიპიური ნიშნებია: გულძმარვა, მჟავე ბოყინი, მუცლის შებერვა და ა.შ. მჟავიანობის მატება ნივთიერებათა ცვლის ქრონიკული დარღვევის ერთერთი თანმხლები მოვლენაა, რომელმაც უჯრედის გადაგვარებაც კი შეიძლება გამოიწვიოს.

მიღების წესი და დოზირება

მიიღება 1 ტაბლეტი დღეში 3-ჯერ, სითხესთან ერთად, Alkala “T”- სა და სხვა სამკურნალო საშუალებების მიღებას შორის დაცული უნდა იყოს 1-დან 2 საათამდე დროის ინტერვალი.

გვერდითი მოქმედებები

Alkala “T”-ს მიღების შემდეგ, ხშირად, კუჭის გადავსების გრძნობა და ბოყინი აღინიშნება. ხანგრძლივმა გამოყენებამ შესაძლებელია ხელი შეუწყოს თირკმლებში მაგნიუმის და კალციუმის ფოსფატური კენჭების წარმოქმნას.

უკუჩვენებები

Alkala “T”-ის მიღება არ შეიძლება პრეპარატის კომპონენტების მიმართ მომატებული მგრძნობელობის შემთხვევაში, მჟავე-ტუტოვანი ბალანსის დარღვევის (ალკალოზის), კალიუმის უკმარისობის ან ნატრიუმის მცირე რაოდენობის შემცველი დიეტის დროს. Alkala “T”-ს მიღება არ შეიძლება მჟავეებით კუჭის ქიმიური დამწვრობის დროს.

სიფრთხილის ზომები

ორსულობის პირველ სამ კვირას პრეპარატის მიღება რეკომენდირებული არ არის, ორსულობის შემდგომი ვადები, ძუძუთი კვება, ბავშვთა ასაკი, პრეპარატის მიღების უკუჩვენებას არ წარმოადგენს. ბავშვებში დოზის არჩევა ხდება ასაკის შესაბამისად. კუჭის პერფორაციის საშიშროების გამო, მჟავეებით კუჭის ქიმიური დამწვრობის დროს Alkala “T”-ს მიღება არ შეიძლება.

სხვა პრეპარატებთან ურთიერთქმედება

Natriumhydrogencarbonat შეუთავსებელია სამკურნალო საშუალებების დიდ ნაწილთან. Alkala “T”-ის მიღების დროს შარდის და კუჭის წვენის pH-ის მომატებულმა დონემ შესაძლოა გავლენა მოახდინოს სუსტი მჟავეების და ტუტეების რეზორბციასა და გამოყოფაზე. ფუნქციური ზემოქმედება შესაძლებელია გლუკო- და მინერალოკორტიკოიდებთან, ანდროგენებთან, კალიუმშემნახავ დიურეტიკებთან.

გამოშვების ფორმები

შეფუთვაში 20 ან 100 ტაბლეტი